Бүтүн Сахабыт сиригэр , Сунтаар улууһугар,күн тахсан күөлэһийэр үс күөллээх Күндэйэ сиригэр өрөгөйдөөх үөрүүлээх күн үүннэ!
Бүтүн Сахабыт сиригэр , Сунтаар улууһугар,күн тахсан күөлэһийэр үс күөллээх Күндэйэ сиригэр өрөгөйдөөх үөрүүлээх күн үүннэ! Анал байыаннай дьайыыга сылдьар биһиги сэмэй, дьулуурдаах, тулуурдаах, бэриллибит дьыалаға бэриниилээх сахабыт уолаттара геройдуу быһыыны оңорон Россия Геройа үрдүк аакка тиксэн, Россия Президенэ В.В.Путин илиититтэн кыһыл көмүс сулуһу түөстэригэр иилиннилэр.
Биьиги бырааппыт Евсеев Филипп Александрович бу хабыр хапсыһыыга бэйэтин харыстаммакка, эйэлээх олох эрэ туһун санаан туран, танкатын экипаһын кытта тэңэ суох кыргыһыыга геройдуу быһыыны оңорбута, барыбыт үөрүүбүтүгэр, дакаастаммыта саллаат дьылғатыгар улахан инникигэ эрэли сахта!
Бу дьалхааннаах, утарсыылаах, эрэй эңэрдээх, өлүүлээх-сүтүұлээх быстах байыаннай дьайыы уотугар сылдьар оғобут, бырааппыт Филипп Александрович Евсеев кырдьыга күөрэйэн тахсарыгар күүс- көмө буоллулар:
Саха Республикатын Ил Дархана Николаев Айсен Сергеевич,
Россия Президенин иһинэн Саха Республикатын бастайааннай бэрэстэбиитэлэ Федотов Андрей Сандаминович ,
Госдума депутата
Тумусов Федот Семенович , кини ологун аргыһа Зоя Егоровна,
Ньурба Антоновкатыттан Семенова Наталья Сергеевна, Военкорр Николай Бястинов,
Сунтаар улууһун Аға баһылыга Григорьев Анатолий Васильевич, Кундэйэ нэһилиэгин баьылыга Константинов Иван Витальевич,
Эдьийбит, норуот маастара Харлампьева Азияна Филипповна о.д.а. түүннэри- күнүстэри, утуйар ууларын, амтаннаах астарын умнан туран , туруулаһан улэлээбиттэригэр, уолбут үрдүк чиэһин көмүскээн, хорсун быһыытын дакаастаабыттарыгар, Россия Геройа үрдүк аакка тиксибитигэр бары аймахтара улахан махталбытын, тапталбытын. ЭРЭЛБИТИН биллэрэбит!
Ол да иһин Саха өһүн хоһоонугар этиллэр : Ойуурдаах куобах охтубат, дьонноох киһи тутайбат .
Күндү дьоммут ,
чөл туруккутун тута сылдьың, дьон туһугар улэлиир улэғит ситиьиилээх буоллун, тапталынан угуттанан олоххут уһаатын, айыы сарыалынан сыдьаайан алгыстаах аартыккыт арыллан истин!
Бары аймахтара: Евсеевтэр, Максимовтар, Филипповтар,
Харлампьевтар, Константиновтар, Ивановтар, Макаровтар, Поповтар , Винокуровтар, төрөөбүт Күндэйэтин дьоно-сэргэтэ.
24.08. 2023с.
