КЭРЭ. СҮДҮ. БАСТАКЫ
«Саха сахатынан кэрэ» диэн үтүө, күүстээх санаа ХХ- с үйэ 90-с сылларыттан саҕалаан
тэлэһийэ сүүрбүтэ.
Ол кэмнэргэ биһиги сахалар Михаил Ефимович Николаев курдук сирдьиттээх буоламмыт өлөн- охтон биэрбэтэхпит, күүһүрбүппүт, бөҕөргөөбүппүт.
Михаил Ефимович киһи да быһыытынан кэрэ мөссүөннээх, кэрэ дууһалаах, күүстээх санаалаах Киһи этэ…
Кэм- кэрдии, олох- дьаһах тосту уларыйар, алдьанар- хааһыланар кэмигэр Сүдү Салайааччылаах буоламмыт сүрүммүтүн булан, сөптөөх суолу тутуһан, сайдар аартыктарга тахсыбыппыт.
Саҥа кэмҥэ, Саҥа Саха Сирин саҕахтарын арыйарбытыгар Бастакы Президеммыт уурбут олуктара күүс- көмө, алгыс буола туруохтара.
Михаил Ефимович Николаев сырдык мөссүөнэ, саха омук, Саха Республикатын, бүтүн Россия туһугар үлэтэ- хамнаһа, санаалара, охсуспут охсуһуулара биһиэхэ барыбытыгар сүрэхпитигэр- быарбытыгар иҥэн сылдьан Сырдыкка, Үтүөҕэ, Сайдыыга сирдиир Сулус буолан сылдьыаҕа!
Федот Тумусов.
05.08.2023.
