Психологическай атаака

Аҕыйах хонуктааҕы Кремльгэ саба түһүү, нефтебазалары атакаалааһын, ЛЭП линиятын дэлби тэптэрэ сатааһын барыта биир сиртэн былааннаммыттара биллэр. Төһө да ити биһиги буолбатах диэтэллэр, диверсаннар үлэлэрэ. Украиналар урут да билиммэтэхтэрэ, билигин да билиммэттэр. Крым муостатын дэлби тэптэрэ сатааһын, суруналыыстары Даьря Дугинаны уонна Владлен Татарскайы өлөртөөһүн, дэлби тэптэрии, Энгельска аэродромҥа саба түһүү, кэнники Брянскай уобаласка киирэн тахсыылара, оҕону эчэтиилэрэ – барыта биир сиртэн кииннээх. Америкаҕа үрүҥ дьиэҕэ итинник беспилотник кэлэн түспүтэ буоллар, ол дьон хайдах дьаабыланыа этилэрий. Билигин этэллэринэн, баччааҥҥа диэри быһаарса сылдьаллар эбит. Украина итинник былаанын биллэрбэтэҕэ диэтилэр. Аны биһиги итинник гыныҥ диэн дьаһайбатахпыт дииллэрю. Франция тас дьыалаларга тойоно, нууччалыы «странной» уонна «загадочной» атаака диэбит. Хайыахтарай, террорист дойдуга көмөлөһө олоробут диэбэттэр буоллаҕа. Манна даҕатан, өссө ааспыт нэдиэлэҕэ Британия политолога Марк Галеоти Спектатор диэн хаһыакка, Америка Украина наһаа актыыбынайдаан киирсиини өссө кутталлаах таһымҥа таһаарыахтарын сөп диэн дьаахханалар диэн суруйбут. Инньэ гынан, америкалар Украина спецсулууспаларын муоһалыы сатыыллар үһү да, ол ардыгар сатаммат эбит. Бу Галеоти теракт кэннэ санаатын Твиттерга суруйбут, бу байыаннай разведка оҥорбут да буоллаҕына, символическай уонна политическай характердаах. Собус соруйан Улуу Кыайыы күнүн иннигэр итинник психологическай атаака оҥорбуттар диир. ЦРУ урукку аналитика Ларри Джонсон бу терагы улахан алҕаһынан сыаналаабыт. Ити теракт төттөрүтүн Россияны биир сомоҕо оҥоруоҕа уонна Зеленскэйгэ куһаҕан түмүктээх буолуоҕа диэбит. Америка балаҕан ыйы 11 күнүнээҕи сидьиҥ теракт кэнниттэн биир сомоҕо буолбута диэн холобурдаабыт. «Нацистары кыайбыттарын бэлиэтээри сылдьарМоскубаҕа саба түһэр сатаммат — нельзя напасть — уонна ити хардата суох хаалыа диэн кэтэһэр сатаммат диэбит аналитик. Чахчы сотору Зеленскэйдээх тосторун ылаллара буолуо.